Горкі: 500 подпісаў супраць АЭС

2008 2008-01-24T17:53:20+0200 1970-01-01T03:00:00+0300 be

Горацкія грамадзкія актывісты сабралі больш за пяцьсот подпісаў жыхароў раёну супраць будаўніцтва атамнай электрастанцыі.

У нядзелю падчас сустрэчы са старшынём райвыканкаму Міхаілам Анікеевым актывісты перададуць у райвыканкам першыя 518 подпісаў. Сабраныя подпісы адправяць таксама ў адміністрацыю прэзыдэнта і ў Палату прадстаўнікоў Нацыянальнага сходу Беларусі.

Гаворыць адзін з ініцыятараў збору подпісаў Эдуард Брокараў:

“Гледзячы па тым, як людзі падпісваюцца, большая частка горацкіх жыхароў супраць будаўніцтва станцыі. Людзі кажуць, што мы будзем зьбіраць подпісы і пратэставаць нават тады, калі будуць стаяць сьцены станцыі. Мы прынялі зварот да ўсіх разумных, сумленных людзей Беларусі з заклікам пачаць збор подпісаў, бо толькі разам мы зможам захаваць бязьядзерны статус Беларусі, які замацаваны ў Канстытуцыі”.

Адна зь меркаваных пляцовак для будаўніцтва АЭС знаходзіцца ў Горацкім раёне паблізу вёскі Кукшынава, за 15 кілямэтраў ад Горак, за 50 — ад Магілёва і за 30 кілямэтраў ад беларуска-расейскай мяжы.

Паводле афіцыйных паведамленьняў, распачаць будоўлю АЭС зьбіраюцца ўжо сёлета.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international