Гарадзенскую апазiцыю пазбаўляюць памяшканьня

2005 2005-01-11T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Да 17 студзеня ГА БНФ “Адраджэнне” павiнна вызвалiць памяшканне па вулiцы Карла Маркса, дзе знаходзiцца сядзiба арганiзацыi. З такiм патрабаваннем выступiла Унiтарнае жыллёвае рамонтна-эксплуатацыйнае прадпрыемства Ленiнскага раёна Гродна.

УЖРЭП хоча скасаваць дамову аб арэндзе памяшкання з БНФ у сувязi з тым, што нiбыта памяшканне знаходзiцца “ў аварыйна-небяспечным стане i патрабуе тэрмiновага правядзення рамонтных прац у сувязi з пагрозай абвалу будынка”. Такое заключэнне вынесла Гарадзенскае ўнiтарнае праектнае прадпрыемства “Iнстытут Гроднаграмадзянпраект”.

Старшыня гарадской грамадскай арганiзацыi БНФ Мiкола Воран лiчыць, што такiя дзеяннi гарадзенскiх уладаў ставяць пад пагрозу iснаванне арганiзацыi.

– Для арганiзацыi пазбаўленне юрыдычнага адрасу азначае лiквiдацыю. Знайсцi новы юрыдычны адрас для БНФ будзе вельмi складана, – лiчыць Воран.

На ягоную думку, дзеяннi ўладаў выклiканы падрыхтоўкай да прэзiдэнцкiх выбараў.

– Перад прэзiдэнцкiмi выбарамi адбываецца зачыстка палiтычнай прасторы, – заявiў Воран pahonia.promedia.by.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international