Бясплатнай медыцыны стала яшчэ меней

2008 2008-01-11T18:21:00+0200 1970-01-01T03:00:00+0300 be

Спіс платных паслуг пашыраны яшчэ на 10 найменняў. Прычым найбольш церпяць цяпер цяжарныя жанчыны. Гэта клопат пра маці ў Год здароўя?

Платных паслугаў і так было дастаткова. Бо, калі яны суседнічаюць з бясплатнай дапамогай хвораму, дактары зробяць усё, каб накіраваць пацыента ў касу. Таму што ад гэтага залежыць і іх заробак.

Добрага заўсёды здаецца мала, і вось у паліклініках на 10 найменняў пашыраны спіс платных паслуг. Але самае дзіўнае заключаецца ў тым, што ў большасці выпадкаў гэта тычыцца цяжарных жанчын. Гэткім чынам мы вырашаем дэмаграфічную бяспеку краіны?

Мяркуйце самі. Жанчыны будуць плаціць за гінекалагічны і ўралагічны масаж, індывідуальную падрыхтоўку цяжарных да родаў і груднога кармлення. За грошы падбяруць дыету, правядуць выпрабаванне сперматаграмы і біяпсійнага матэрыялу.

І, як вынік, за грошы можна правесці любую працэдуру. Толькі ж ці ўсе маюць такія фінансавыя магчымасці?

Яшчэ мы будзем плаціць за вызначэнне пухлінных маркераў, пашыраную колькаскапію, флюарасцэнтную ангіаграфію, кератопаграфію, электрастымуляцыю паверхневых мышцаў вачэй і векаў.

Сёння ўжо нельга прыпомніць, на якія тавары не раслі цэны. Затое жывём, цвердзяць прапагандысты ад улады, з кожным годам усё лепш і лепш.

Здаецца, большасць ужо стамілася ад гэтай дзяржаўнай двудушнасці.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international