Міліцыя адмаўляецца узбуджаць крымінальную справу за крадзеж маёмасці БНФ

2008 2008-01-08T13:24:03+0200 1970-01-01T03:00:00+0300 be

Сталічная міліцыя адмаўляецца караць злодзеяў, што скралі трымальнік для сцягоў з будынку мінскага офісу партыі БНФ. Менавіта такі адказ Савецкі райаддзел сталічнай міліцыі накіраваў на адрас намесніка старшыні Партыі БНФ Алеся Міхалевіча ў адказ на ягоную заяву з нагоды крадзяжу трымальніка для сцягоў са сцяны будынку, дзе знаходзіцца мінская штаб-кватэра БНФ.  

 

Паводле пастановы, падпісанай начальнікам Савецкага РУУС падпалкоўнікам Бяссмертным, скрадзеная маёмасць ацэньваецца ў 100 000 беларускіх рублёў, і з-за таго, што гэтая сума не перавышае памеру 10 базавых велічыняў, крымінальная справа ўзбуджаная быць не можа.  

 

Нагадаем, што трымальнік, які з 10 раніцы да 8 вечара штодня трымае бел-чырвона-белы і еўрапейскі сцягі, знік у ноч з 13 на 14 снежня мінулага году, акурат перад візітам ў Мінск Уладзімера Пуціна.  

 

Як распавёў старшыня моладзевай фракцыі БНФ Алесь Каліта, "управа фронту знаходзіцца ў самым цэнтры гораду непасрэдна побач са сталічнай акадэміяй міліцыі і безумоўна наяўнасць тут незалежніцкіх сцягоў трохі бянтэжыць гарадское кіраўніцтва. Думаю трымальнік і быў сарваны з той прычыны, каб падчас свайго візіту Пуцін выпадкова гэтыя сцягі ў беларускай сталіцы і не пабачыў”

 

Алесь Каліта кажа, што гэта ўжо не першы выпадак вандалізму каля управы фронту. Аднак, па ягоных словах, за гэтыя ўчынкі яшчэ ніводзін чалавек не быў пакараны.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international