Генеральная асамблея ААН асудзіла парушэнне правоў чалавека ў Беларусі

2007 2007-12-19T11:27:34+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У Генеральнай асамблеі ААН прайшло галасаванне па рэзалюцыі, якая асуджае парушэнне правоў чалавека ў Беларусі. 72 краіны падтрымалі рэзалюцыю, 33 – галасавалі супраць і 78 – устрымаліся. У выніку, большасцю галасоў дакумент быў прыняты.

Супраць дакумента галасавалі Расея, Куба, Паўночная Карэя, Іран, Сірыя, Судан, Зімбабве і іншыя. У адказ прадстаўнік ЗША ў ААН назваў Беларусь "апошняй дыктатурай у Еўропе", паведаміў "Тэлеграф".

Раней прэс-цэнтр Хартыі’97 паведамляў, што Трэці камітэт ААН прыняў праект рэзалюцыі, прапанаваны ЗША, у якім асуджаецца парушэнне правоў чалавека ў Беларусі. У дакуменце гаворыцца, што ў Беларусі працягваюцца сістэматычныя парушэнні правоў чалавека, а таксама прыгнёту і пераследу СМІ, апазіцыі і праваабаронцаў.

Рэзалюцыя абвяшчае, што прэзідэнцкія выбары, якія адбыліся 19 сакавіка 2006 года, былі "праведзеныя з сур'ёзнымі парушэннямі, абумоўленымі адвольным ужываннем улады дзяржавай, і ў значнай ступені не адпавядалі абавязальніцтвам Беларусі ў рамках Арганізацыі па бяспецы і супрацоўніцтву ў Еўропе ў дачыненні правядзення свабодных і справядлівых выбараў".

У ААН выказалі "глыбокую занепакоенасць з нагоды выкарыстання сістэмы крымінальнага правасуддзя для таго, каб прымусіць замоўкнуць палітычную апазіцыю і праваабаронцаў, у тым ліку ў форме адвольнага затрымання, незахавання належных працэсуальных нормаў і закрытых палітычных судовых працэсаў над вядучымі прадстаўнікамі апазіцыі і праваабаронцамі".

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international