Суд адмовіў у аднаўленьні на працы даверанай асобе кандыдата ў дэпутаты Мікалаю Пратасевічу, звольненаму напярэдадні парламенцкіх выбараў

2004 2004-11-29T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

29.11.2004 у Ушацкім раённым судзе завяршыўся судовы працэс па зыску Мікалая Пратасевіча да Дому Адпачынку "Лясныя азёры" па узнаўленьню на працы. Нягледзячы на тое, што дзве з чатырох вымоваў, на падставе якіх быў звольнены Пратасевіч, у ходзе судовага працэсу былі прызнаныя незаконнымі, суд не задаволіў зыск.
Мікалай Пратасевіч быў звольнены з пасады галоўнага энергетыка ў верасьні 2004 году, напярэдадні парляменцкіх выбараў (Мікалай Пратасевіч зьяўляецца сябрам Партыі БНФ, быў даверанай асобай кандыдата ад "5+" Дзмітрыя Салаўёва). Загад аб звальненьні падпісаў дырэктар "Лясных азёр" Арцёменка А. Л. Гэта не першая спроба пазбавіць палітычнага актывіста працы. У 2001 годзе, падчас прэзыдэнцкіх выбараў, Мікалай Пратасевіч таксама быў звольнены, але пазней аднавіўся на працы праз суд (Ушацкі суд і тады не задаволіў зыск, давялося пісаць скаргі вышэй). Працэс насамрэч зьяўляўся палітычным і праходзіў пад пільнай увагай мясцовай адміністрацыі. Суддзе Кастагрызаву, які вёў працэс, нават падчас судовых паседжаньняў тэлефанавалі "зьверху".
Дапамогу Пратасевічу ў абароне сваіх правоў аказваюць праваабарончыя арганізацыіі Праваабарончы Цэнтр "Вясна" і Міжрэгіянальны Праваабарончы Цэнтр "Вясна Паазер'я". Інтарэсы Мікалая Пратасевіча падчас судовага працэсу прадстаўляў адвакат Віталій Янюк. Зараз рыхтуецца кассацыйная скарга на рашэньне суда.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international