117 пікетаў на Берасцейшчыне супраць адмены льгот

2007 2007-12-04T14:54:55+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Актывісты Берасцейскай абласной кааліцыі аб'яднаных дэмакратычных сілаў падалі 117 заявак на правядзенне пікетаў супраць адмены сацыяльных ільгот. 65 заявак пададзеныя ў Берасце, 37 — у Берасцейскім раёне, 11 – у Баранавічах, 4 – у Белаазёрску.

 

Усе акцыі пратэсту збіраюцца правесці 16 снежня, у дзень салідарнасці з палітвязнямі, а таксама напярэдадні ўступлення ў сілу закона "Аб дзяржаўных сацыяльных ільготах, правах і гарантыях для асобных катэгорый грамадзян". Пра гэта паведаміў БелаПАН намеснік старшыні абласной арганізацыі Беларускай сацыял-дэмакратычнай партыі (Грамада) Валянцін Лазаронкаў.

"Мы маем намер сказаць пра тое, што ідзе згортванне сацыяльнай абароны насельніцтва, гарантаванай Канстытуцыяй. Прыняцце гэтага закона парушае асновы канстытуцыйнага ладу Рэспублікі Беларусь як сацыяльнай дзяржавы. Таксама мы маем намер гаварыць пра паніжэнне ў цэлым узроўню жыцця простага насельніцтва, якое ўжо адчула гэта на сабе ў сувязі з ростам цэнаў на асноўныя прадукты харчавання", – заявіў В.Лазаронкаў.

Паводле яго слоў, падчас пікетаў актывісты апазіцыі плануюць раздаваць інфармацыйныя матэрыялы, прысвечаныя праблеме адмены сацыяльных ільгот.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international