Апазыцыя гатовая прасіць урад ЗША зьняць санкцыі супраць чыноўнікаў

30.11.2007. Тэгі: звароты, санкцыі, палітвязьні.
Крыніца: «Наша Ніва».

З 2 да 8 сьнежня дэлегацыя беларускай апазыцыі ў складзе Аляксандра Мілінкевіча, Сяргея Калякіна, Паўла Севярынца, Анатоля Лябедзькі, Анатоля Ляўковіча, Эніры Браніцкай і Зьмітра Хведарука будзе знаходзіцца зь візытам у Вашынгтоне.

З гэтай нагоды сёньня яны распаўсюдзілі адкрыты зварот да беларускага ўраду.

Апазыцыянэры пішуць, што гатовыя прасіць урад ЗША «спрыяць інвэстыцыям у беларускую эканоміку, разгледзіць пытаньне прадстаўленьне крэдыту, скасаваць санкцыі супраць беларускіх чыноўнікаў».

У замену апазыцыя патрабуе «вызваленьня ўсіх палітвязьняў, спыненьня рэпрэсій супраць дэмакратычных актывістаў, стварыць роўныя ўмовы дзейнасьці для СМІ, спыніць практыку нерэгістрацыі грамадзкіх арганізацый, унесьці зьмены ў выбарчае заканадаўства».