Ван дэр Ліндэн заклікае ўлады Беларусі адмяніць пакаранне смерцю

2007 2007-11-29T16:57:11+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Старшыня Парламенцкай асамблеі Рады Еўропы (ПАРЕ) Рэнэ ван дэр Ліндэн заклікаў улады Беларусі адмяніць смяротныя прысуды Сяргею Марозаву, Ігару Данчэнку і Валерыю Гарбатаму, які былі ў 2006 годзе прысуджаныя Вярхоўным судом да расстрэлу. Пра гэта гаворыцца ў заяве кіраўніка ПАРЕ, распаўсюджанай прэс-службай Рады Еўропы.

"Заклікаю прэзідэнта Лукашэнку неадкладна адмяніць смяротныя прысуды", – заявіў старшыня ПАРЕ. Нагадаўшы пра тое, што смерць неправасудная, ён звярнуўся да Аляксандра Лукашэнкі з заклікам увесці мараторый на пакаранне смерцю ў Беларусі, што стала б выразным і рашучым крокам да збліжэння краіны з Радай Еўропы.

"Смяротнай кары няма месца ў пенітэцыярных сістэмах сучасных цывілізаваных дзяржаў. Гатоўнасць неадкладна ўвесці інстытут мараторыя на прывядзенне ў выкананне прысудаў да вышэйшай меры пакарання і адмяніць смяротную кару з'яўляецца неабходнай перадумовай для ўступлення ў Арганізацыю", – падкрэсліў Рэнэ ван дэр Ліндэн.

Беларусь не ўваходзіць у лік 47 дзяржаў – сяброў Рады Еўропы. Дзеянне статусу парламента Беларусі як спецыяльна запрошанага пры Парламенцкай асамблеі было прыпыненае 13 студзеня 1997 года.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international