Затрыманых прадпрымальнікаў Аляксандра Таўстыку і Руслана Луцэнку пакаралі арыштам
29.11.2007.
Тэгі: суды, адміністратыўная справа, прадпрымальнікі, арышт.
Крыніца: «Наша Ніва».
Нагадаем, што ўчора ў падземным горадзе на станцыі мэтро «Партызанская» за раздачу ўлётак з патрабаваньнем адмены ўказу № 760 былі затрыманыя актывісты руху «За вольнае разьвіцьцё прадпрымальніцтва» Аляксандар Таўстыка і Руслан Луцэнка. Ноч яны правялі на Акрэсьціна.
Суд Заводзкага раёну Менску прысудзіў А. Таўстыку да 7 сутак арышту. Судзьдзя Алена Някрасава ўлічыла, што Аляксандар — бацька двух малых дзяцей. Прадпрымальніка Руслану Луцэнку спн. Някрасава не пашкадавала нягледзячы на тое, што ён нядаўна перахварэў на пнэўманію і цяпер хварэе бранхітам. Ён атрымаў за раздачу ўлётак 10 сутак.
Суд быў закрытым, у памяшканьне пусьцілі толькі адваката затрыманых. У калідоры засталіся сябры руху «За вольнае разьвіцьцё прадпрымальніцтва», старшыня АГП Анатоль Лябедзька і актывісты руху «За свабоду».
Навіны па тэме
19.08.2008 Міліцыя сваю віну прызнала
19.08.2008 Зноў грамадзяне супраць Менскага гарвыканкаму
18.08.2008 У справе Алеся Меха акрэсьліліся новыя павароты
17.08.2008 Ветка: Прэтэндэнт у кандыдаты аштрафаваны на 1 мільён за адсутныя знакі
15.08.2008 ПКБ вырашыла судзiцца з Лукашэнкам
Дадаць камэнтар
Камэнтары
Камэнтароў да гэтага артыкулу няма









