"Белсаюздрук" адмаўляецца распаўсюджваць часопіс "ARCHE"
12.11.2004.
Прадпрыемства "Белсаюздрук" датэрмінова скасавала дамову на распаўсюд часопіса "ARCHE-Пачатак". Распараджэньне набывае моц 2 сьнежня. Яго падпісаў дырэктар "Белсаюздруку", былы міністр інфармацыі Беларусі Міхаіл Падгайны.Прычына скасавання дамовы - у нізкіх аб'ёмах продажу выдання. Заснавальнік часопіса Андрэй Дынько аспрэчвае тэзу аб малым попыце на выданне: за 6 год спісвалася 10-30% асобнікаў часопіса. У кастрычніку гэтага году дамову на распаўсюд выдання скасавала прадпрыемства "Белкніга". Такім чынам, "ARCHE" пазбавілася шляхоў распаўсюду 80% свайго накладу. Засталы пакуль шлях - распаўсюд праз падпіску. Наклад кожнага нумару "ARCHE" складае 1100 асобнікаў.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
