У Полацку чарговае затрыманьне за графіці

2007 2007-11-27T14:18:03+0200 1970-01-01T03:00:00+0300 be

Сёньня а 15 гадзіне моладзевая актывістка Кацярына Салаўёва мусіць зьявіцца ў міліцыю на допыт. Яе затрымалі асобы ў цывільным учора а 21-й гадзіне вечара ля будынку Полацкага гарвыканкаму пасьля таго, як яна напісала фарбай на гарвыканкамаўскай сьцяне лёзунг: “Нас не спыніць! МФ”.

Асобы ў цывільным павалілі дзяўчыну на зямлю і трымалі яе да той пары, пакуль не прыехала міліцэйская машына. Кацярына Салаўёва была дастаўлена ў пастарунак, дзе на яе быў складзены пратакол.

Каля 2-й гадзіны ночы Кацярына была адпушчаная дахаты. Пры гэтым у яе канфіскавалі нататнік з адрасамі і тэлефонамі, бел-чырвона-белы сьцяг і балёнчык з фарбаю. Сёньня а 15 гадзіне дзяўчына павінна прыйсьці ў міліцыю на допыт.

Два дні таму, таксама ля будынку Полацкага гарвыканкаму, затрымалі маладафронтаўца Алеся Круткіна, які спрабаваў напісаць на сьцяне палітычны лёзунг.

Паводле міліцэйскага пратаколу, спадар Круткін абвінавачваецца ў пашкоджаньні дзяржаўнай маёмасьці і бліжэйшым часам атрымае позву ў суд.

 

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international