Улады прызнаюцца ў здзекаваннях над зняволенымі

2007 2007-11-26T12:56:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Кіраўніцтва Ленінскага РАУС Берасця прызнала неналежнымі ўмовы знаходжання ў ізалятары часовага ўтрымання (ІЧУ) раённага аддзела міліцыі. Гэта вынікае з афіцыйнага адказу прадстаўнікоў РАУС на скаргу мясцовага праваабаронцы Рамана Кісляка.

У лісце, які атрымаў праваабаронца, паведамляецца, што па скарзе была праведзеная праверка, у выніку якой кіраўніцтву ІЧУ «зважанае на неабходнасць стварэння нармальных умоў для асоб, якія знаходзяцца ў ізалятары часовага ўтрымання», –паведамляе БелаПАН.

Па словах Р.Кісляка, ён накіраваў скаргу ў адпаведныя інстанцыі пасля таго, як напярэдадні Еўрапейскага Марша, 13 кастрычніка быў затрыманы нібыта за «дробнае хуліганства» і змешчаны ў ІЧУ, дзе прабыў два дні. «У скарзе я адзначыў, што ўмовы майго ўтрымання ў ізалятары ў сваёй сукупнасці парушаюць артыкул 7 Міжнароднага пакта аб грамадзянскіх і палітычных правах. У прыватнасці, сістэма туалетаў у ізалятары зневажае чалавечую годнасць, у камеры холадна (каля 10–14 градусаў цяпла), спаць даводзіцца на драўляным насціле. Няма ні матрацаў, ні коўдраў, ні падушак, ні пасцельных прыналежнасцяў. Колькасць вады для піцця, якая прадстаўляецца, – мізэрная», – сказаў праваабаронца.

Ён адзначыў, што хоць умовы ўтрымання ў ІЧУ і не прызнаюцца парушэннем артыкула 7 Міжнароднага пакта аб грамадзянскіх і палітычных правах, у адказе на скаргу ёсць пазітыўны момант: кіраўніцтва Ленінскага РАУС пагадзілася, што ўмовы ўтрымання затрыманых і арыштаваных асоб ненармальныя.

«Неўзабаве будуць пададзеныя яшчэ некалькі аналагічных скарг ад актывістаў дэмакратычных сілаў, якія таксама без усякіх падстаў затрымліваліся перад Еўрапейскім і Сацыяльным маршамі і за нібыта «здзяйсненне дробнага хуліганства» караліся суткамі арышту ў ІЧУ Ленінскага РАУС горада Берасця», – паведаміў Р.Кісляк.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international