Канцэрт «Нейра Дзюбеля» забаронены

2007 2007-11-15T09:06:02+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Прэзентацыя новага альбома вядомага рок-гурту «Нейра-Дзюбель», якая павінна была прайсці сёння ў менскім клубе «Фартуна», забароненая. Як паведаміў прэс-цэнтру Хартыі’97 лідэр групы Аляксандр Кулінковіч, «у клуб патэлефанавалі з выканкама Партызанскага раёна, а пасля прыйшлі людзі з КДБ».

«Я сам нічога не ведаю. Спачатку быў званок з адміністрацыі Партызанскага раёна, потым прыйшлі тры чалавекі з КДБ. Ведаю толькі, што забаранілі канцэрт. Апаратуру ўжо дэмантуюць. Канцэрту не будзе», – паведаміў Аляксандр Кулінковіч.

Звяртаючыся да людзей, якія сёння збіраліся прыйсці на канцэрт, Кулінковіч сказаў: «Не хвалюйцеся. Якім чынам мы будзем выступаць – не ведаю. Будзем жыць. Працаваць. Дакладна не здохнем. Няма такіх планаў. Як бы яны не імкнуліся», – сказаў музыка.

14 лістапада ў Менску павінна была прайсці канцэртная прэзентацыя новага альбома "Stasi" беларускага рок-гурту "Нейра Дзюбель".

Як паведаміў лідэр групы Аляксандр Кулінковіч, у альбом увайшлі 19 песень, з якіх шэсць на расейскай мове, астатнія – беларускамоўныя. Па традыцыі ў альбом таксама ўключаныя сем кароткіх вершаў. "Як і ўсе папярэднія альбомы, гэты будзе самым лепшым", – заявіў А.Кулінковіч, адзначыўшы, што ў параўнанні з папярэднім дыскам – "Tanki" – новы альбом "цяжэйшы".

Было некалькі варыянтаў назвы альбома, але ў выніку спыніліся на "Stasi". Так называлася выведка былой ГДР, растлумачыў лідэр гурту, структура, "якой нібыта няма, але насамрэч яна ёсць". Гэта адлюстроўвае рэальнае становішча "Нейра Дзюбеля" ў Беларусі, лічыць Кулінковіч.

Нагадаем, праблемы з арганізацыяй канцэртаў і з'яўленнем у тэле- і FM-эфіры ў "Нейра Дзюбеля" і некаторых іншых беларускіх музыкаў узніклі пасля іх удзелу ў 2004 годзе ў канцэрце пасля апазіцыйнага мітынгу, прымеркаванага да дзесяцігоддзя знаходжання Лукашэнкі ва уладзе.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international