Паплечнікі Аляксандра Казуліна зьвярнуліся ў ПАРЕ

2007 2007-11-14T16:26:11+0200 1970-01-01T03:00:00+0300 be

У рамках міжнароднай кампаніі па салідарнасці з Аляксандрам Казуліным 13 лістпада накіраваны зварот ў Парламенцкую Ассамблею Рады Еўропы. Гэты дакумент падрыхтаваны грамадскай камісіяй “Свабоду Казуліну!” у інтарэсах усіх беларускіх палітвязняў.

Прадстаўнкі грамадскай камісіі нагадалі, што падчас візіта ў Беларусь у студзені 2007 года старшыня ПАРЕ Рэнэ ван дер Ліндэн выказаў “гатоўнасць аказаць дапамогу па прававой ацэнцы палічына матываваных спраў у дачыненні да асуджаных актывістаў беларускай апазіцыі”. У дакуменце таксама адзначаецца факт перадачы экс-адвакатам Казуліна Ігарам Рынкевічам дакладчыку камісіі па палітычных пытаннях ПАРЕ Андрэа Рыгоні ў кастрычніку 2007 года адмысловага зварота ад грамадзянскай ініцыятывы “Беларусь – у Еўропу!” з просьбай правесці прававую ацэнку законнасці крымінальнага пераследу Аляксандра Казуліна.

У звароце да дэпутатаў ПАРЕ іх заклікаюць “садзейнічаць правядзенню незалежнай прававой ацэнкі судовага пераследу А.Казуліна і прыняць рэзалюцыю ПАРЕ, якая асуджае рэпрэсіі ў дачыненні беларускіх грамадзян па палітычным матывам, з патрабаваннем вызвалення Аляксандра Казуліна і іншых палітвязняў Беларусі”.

“Са свайго боку, - паведаміў Ігар Рынкевіч прэс-службе Казуліна, - мы выказалі гатоўнасць прадаставіць у ПАРЕ неабходныя дакументы і іншыя матэрыялы, якія пацвярджаюць палітычную матываванасць і пазазаконнасць крымінальнага пераследу Аляксандра Казуліна. Упэўнены, што менавіта вызваленне прафесара Казуліна, іншых палітзняволеных, спыненне рэпрэсій у дачыненні дэмакратычных актывістаў стануць рэальнымі крокамі, якія прадэманструюць імкненне беларускіх уладаў да сапраўднага дыялогу з Еўропай”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international