Адкрыты ліст Нарвежскага Хельсінскага Камітэта да Аляксандра Лукашэнкі

2004 2004-11-06T10:00:00+0200 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Спадару Аляксандру Лукашэнку
Прэзідэнцкая Адміністрацыя Рэспублікі Беларусь
Факс ++ 375 17 2260610

Осла, 4 лістапада 2004 г.

Вашая высокасьць!

Нарвежскі Хельсінскі Камітэт глыбока занепакоены тым, што 1 лістапада 2004 году суд Леніскага раёна Гародні прысудзіў журналісту Паўлу Мажэйку, старшыні гарадзенскай філіі Беларускай Асацыяцыі Журналістаў, сем дзён арышту. Ён быў прызнаны вінаватым у парушэньні парадку арганізацыі і правядзеньня пікета згодна зь першай часткай артыкула 167-1 Адміністратыўнага Кодэкса. Павел Мажэйка быў асуджаны за ўдзел у дванаццаціхвілінным пікеце, праведзеным пяцьцю журналістамі 4 кастрычніка 2004 году на знак пратэсту супраць прысуду, вынесенага галоўнай рэдактарцы газэты “Биржа ?#152;нформации” Алене Раўбецкай. Два іншыя журналісты, Анатоль і Натальля Макушыны, былі аштрафаваныя за тое ж правапарушэньне.

Павел Мажэйка абвесьціў галадоўку, паколькі лічыць вынесены яму прысуд незаконным. Да 2002 году Мажэйка працаваў журналістам у газэце “Пагоня”, што была потым зьліквідаваная. Тым годам Мажэйка і галоўны рэдактар той жа газэты Мікола Маркевіч былі атрымалі год і паўтары гады абмежаваньня свабоды за парушэньне першай часткі артыкула 367 Крымінальнага Кодэксу Рэспублікі Беларусь – за “зьнявагу Прэзідэнта Рэспублікі Беларусь”, на судзе, які выклікаў як народнае, так і міжнароднае абурэньне зьнявагай міжнародных стандартаў свабоды выяўленьня і права на справядлівы суд.

Рашэньне Ленінскага суда ад 1 лістапада – не навіна, а хутчэй яшчэ адна праява палітыкі вашага прэзідэнцтва, накіраванай на падаўленьне свабоды меркаваньня, выяўленьня і мірных сходаў у імкненьні падавіць апазіцыю. Тое ж датычыць і закрыцьця вялікай колькасьці незалежных медыйных крыніц, арыштаў і ліквідацыі палітычных партый і недзяржаўных арганізацый. Гэта пацьвяржаецца і тым, што болей за пяцьдзесят мірных удзельнікаў пікетаў былі затрыманыя і ўвязьненыя з часу абвяшчэньня афіцыйных вынікаў выбараў 15 кастрычніка. Некаторыя зь іх, напрыклад, лідэр адной з апазіцыйных партый, былі зьбітыя міліцыяй.

Нарвежскі Хельсінскі Камітэт заклікае беларускія ўлады пакласьці канец рэпрэсіям у дачыненьні да ўласнага насельніцтва вызваленьнем усіх вязьняў, якія патрапілі ў турму па палітычных абвінавачваньнях, у тым ліку і Мажэйку, і прывесьці заканадаўства ў адпаведнасьць з міжнароднымі стандартамі і канвенцыямі, падпісанымі Беларусьсю. У прыватнасьці, заканадаўства павінна ясна ахоўваць права на сход і свабоднае выяўленьне меркаваньняў, нават калі гэтыя меркаваньні не падзяляюцца урадам Беларусі.

Нарвежскі Хельсінскі Камітэт хацеў бы зьвярнуць вашую ўвагу на артыкул 19 Міжнароднага Пакта аб Грамадзянскіх і Палітычных Правах, удзельнікам якога ёсьць і Беларусь: “Кожны мае права на свабоду выяўленьня”. Болей таго, мы хацелі б зьвярнуць вашую ўвагу на артыкул 21 таго ж пакта: “Права на мірны сход павінна прызнавацца. Гэтае права не павінна падвяргацца ніякім абмежаваньням апрача тых, якія накладваюцца ў адпаведнасьці з законам і якія неабходныя ў дэмакратычным грамадстве ў інтарэсах нацыянальнае бясьпекі альбо грамадскай бясьпекі, грамадскага парадку, абароны грамадскага здароўя і маралі або абароны правоў і свабодаў іншых”. Нарвежскі Хельсінскі Камітэт заклікае беларускія ўлады прывесьці ў адпаведнасьць з дадзенымі абавязацельствамі як заканадаўства, так і судовую практыку.

Шчыра ваш,
Б’ёрн Энгесланд
Генеральны сакратар
Нарвежскага Хельсінскага Камітэта
Осла, Нарвегія

Копіі:

Міністэрству Замежных Справаў Беларусі; факс (++375 17) 227 4521

Нарвежскаму прэм’ер-міністру К’елу Магнэ Бондэвіку

Нарвежскаму міністру ўнутраных справаў Яну Петэрсэну

Старшыні Пастаяннага Камітэту Замежных Справаў нарвежскага Парламента (Стортынг) Торнб’ёрну Ягланду

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international