Пратэстантам падчас канферэнцыі адключылі электраэнэргію

2007 2007-11-12T13:54:07+0200 1970-01-01T03:00:00+0300 be

Маладзёвая малітоўная канферэнцыя, што была запланавана на выходныя ў сталічнай царкве “Новае Жыццё”, праходзіла без святла.

На два дні ў Мінск з усёй краіны з’ехаліся прадстаўнікі маладзёвых служэнняў беларускіх евангельскіх цэркваў. Аднак сталічныя ўлады паспрабавалі перашкодзіць правядзенню мерапрыемства. У другі дзень канферэнцыі да будынку царквы прыехалі прадстаўнікі Энерганадзора і кіраўніцтва міліцыі Маскоўскага раёну сталіцы.

Чыноўнікі паспрабавалі пранікнуць у памяшканне царквы, але пасля таго, як кіраўніцтва царквы прыняло рашэнне не пускаць супрацоўнікаў у будынак, яны вырашылі адлучыць памяшканне ад размеркавальнага электрашчыта.

Вось што распавёў Рацыі адміністратар царквы “Новае Жыццё” Васіль Юрэвіч: “Пасля таго, як мы адмовілі ім у доступе да электрашчытоў, яны з дапамогай міліцыянтаў шукальнікамі электракабеляў знайшлі нашы крыніцы электразабеспячэння і адключылі іх”.

Трэба дадаць, што гэта ўжо не першы падобны канфлікт царквы з гарадскімі ўладамі. У сакавіку гэтага году падобнае адключэнне “Новага Жыцця” ад электразабеспячэння ўжо мела месца.

“Нягледзячы на ўсе гэтыя перашкоды і пастаянны прэсінг з боку Алы Рабіцавай, кіраўніцы аддзелу Мінгарвыканкаму па справах рэлігіяў, наша царква жыве і ніводнае з запланаваных мерапрыемстваў мы не адмяняем”, - кажа Юрэвіч.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international