Паўла Батуева выклікаюць у пракуратуру

12.11.2007. Тэгі: крымінальная справа, пракуратура, дэмакратычны актывіст.
Крыніца: Салігорск.org.

Пра гэта паведаміў сам Павал, атрымаўшы позву.
Нагадаем, 7 лістапада на цэнтральнай плошчы Салігорску прайшла маладзевая акцыя "Камунізм пад трыбунал", якая была жорстка разагнаная.
У той жа дзень пракуратура распачала праверку, бо лічыць, што дзеяньні маладзёнаў, у прывытнасьці Івана Шылы, трапляюць пад 363 арт. КК РБ "Супраціў работнікам міліцыі".
Маладафронтаўцы маюць іншы пункт гледжаньня на падзеі серады, рашуча адмаўляючы тое, што ім інкрымінуецца, бо "немагчыма зьдзейсьніць тое, што нам закідаюць з заламанымі рукамі".
Праверка мае ладзіцца 10 дзён, то бок 17 лістапада стануць вядомыя вынікі, на падставе якіх і будзе прынята рашэньне аб узбуджэньні крымінальнае справы ці спыненьні справаводзтва.
Справай займаецца старэйшы сьледчы пракуратуры Дзешук Дзьмітры Сяргеевіч.