Пятнаццатыя суткi працягвае галадаць Андрэй Шантаровiч, галоўны рэдактар недзяржаўнай “Местной газеты” з Ваўкавыску.

У апошнi дзень ён моцна саслабеў, у яго збiваецца дыханне, балiць галава.

– З учарашняга дня вымушаны, у асноўным, ляжаць, бо нават сядзець ужо даволi цяжка, – расказвае журналіст карэспандэнту ПАГОНI.

За час галадоўкi Андрэй страцiў 15 кiлаграмаў вагi.

Нiякай рэакцыi на патрабаванне Андрэя Шантаровiча адмянiць загад Мiнiстэрства iнфармацыi аб прыпыненнi ягонай газеты тэрмiнам на тры месяцы ад уладаў няма.