Незадаволенае хадайніцтва аб спыненьні другой крымінальнай справы ў дачыненьні да палітвязьня Зьмітра Дашкевіча будзе абскарджана ў судзе

2007 2007-10-26T17:16:33+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

У сувязі ў ўзбуджэньнем 14 жніўня дадатковай крымінальнай справы ў дачыненьні да асуджанага лідэра "Маладога Фронту" Зьмітра Дашкевіча за адмову ад дачы паказаньняў, 9 кастрычніка адвакатам палітвязьня было заяўлена пісьмовае хадайніцтва на імя сьледчага аб яе спыненьні за адсутнасьцю складу злачынства.  Згодна з  арт. 27 Канстытуцыі РБ грамадзянін мае права не даваць паказаньні супраць сабе і сваіх блізкіх, - гэтым канстытуцыйным правам і скарыстаўся Зьміцер Дашкевіч, пра што пісьмова паведаміў органам крымінальнага сьледтва, якія вялі допыт.

19 кастрычніка сьледчы пракуратуры Лох, які вядзе крымінальную справу Зьмітра Дашкевіча, вынес пастанову аб адмове ў задавальненьні заяўленага адвакатам хадайніцтва. На дадзены момант абаронца палітвязьня падрыхтаваў скаргу на вынесеную службовую пастанову і мае намер зьвярнуцца ў суд Шклоўскага раёну.

Варта нагадаць, што ў Мінскім гарадзкім судзе знаходзіцца надзорная скарга на прысуд вынесены 1 лістапада 2006 году судзьдзёй Кастрычніцкага раёну Менску Алай Булаш, якая пакарала лідэра Маладога Фронту на паўтары гады пазбаўленьня волі падчас закрытага судовага паседжаньня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international