Дзяды: шэсьце ў Менску дазволенае

23.10.2007. Тэгі: грамадства, шэсце, дазвол.
Крыніца: Радыё «Свабода».

Менгарвыканкам дазволіў правесьці 28 кастрычніка ў нядзелю шэсьце ў Менску з нагоды Дня памяці продкаў. Пра гэта ?адыё Свабода паведаміў прэсавы сакратар Кансэрватыўна-хрысьціянскай партыі БНФ Валер Буйвал. ?аней Менаблвыканкам даў дазвол на правядзеньне мітынгу ва ўрочышчы Курапаты, дзе ў 1937-1941 гадах карнікі НКВД расстралялі, паводле розных падлікаў, ад 40 да 200 тысячаў чалавек.

Шэсьце і мітынг у Курапатах традыцыйна арганізоўвае Кансэрватыўна-хрысьціянская партыя БНФ. Як паведаміў Валер Буйвал, актывісты партыі хацелі правесьці шэсьце па палове праезнай паласы былога праспэкту Скарыны, аднак менскія ўлады дазволілі шэсьце толькі па ходніках.

Пачатак шэсьця ў нядзелю аб 11-й гадзіне ад гадзіньнікавага заводу. А 14-й гадзіне плянуецца мітынг у Курапатах. Актывісты Кансэрватыўна-хрысьціянскай партыі БНФ заявілі, што паламаны вандаламі Крыж пакутаў будзе адноўлены да Дня памяці продкаў.