ЯНУШ АНЫШКЕВІЧ: МНЕ НЕ НАЗВАЛІ НІЯКІХ П?ЫЧЫН, ПА ЯКІХ МОЙ УЕЗД У БЕЛА?УСЬ СТАЎ НЕМАГЧЫМЫМ

2007 2007-10-14T16:29:33+0300 1970-01-01T03:00:00+0300 be

Сёння на польска-беларускай мяжы беларускія памежнікі затрымалі намесніка старшыні Еўрапарламента Януша Анышкевіча, які ехаў ў Мінск на Еўрапейскім марш. У эксклюзіўным інтэрв'ю ?ацыі Анышкевіч распавёў пра акалічнасці ягонай паездкі ў Беларусь.

"Не назвалі мне ніякіх прычын, па якіх мой уезд у Беларусь стаў немагчымым. Іх дзеянні супярэчаць пагадненню паміж Польшчай і Беларуссю, у якім ясна гаворыцца, што ўладальнікі дыпламатычных пашпартаў, а ў мяне такі ёсць, могуць перасякаць мяжу без візаў, хіба што ўнутраная сітуацыя ў Беларусі стане такой, што прысутнасць іншаземцаў у краіне не будзе магчымай. Пакуль што няма нічога такога ў Беларусі, што тлумачыла б прымяненне гэткага запісу. Бо бадай што Лукашэнка не плануе ўвядзенне надзвычайнага становішча або ўвядзенне ваеннага становішча на сённяшні дзень ці ў бліжэйшай будучыні", - сказаў Януш Анышкевіч.

?ацыя запытала ў еўрапарламентара, ці ехаў ён прыняць удзел у Еўрапейскім маршы.

"Я ехаў у Мінск, каб пагаварыць з маімі мінскімі сябрамі і каб падключыцца да дэманстрацыі, якая мае паказаць еўрапейскія памкненні Беларусі. І еўрапэйскае месца ў Еўропе для Беларусі. Я хацеў бы ім сказаць, што ў Беларусі ёсць месца ў Еўропе, у сям'і свабодных еўрапейскіх народаў. А калі будзе такое жаданне беларусаў, то адпаведна і ў сям'і краін Еўразвязу. Гэта дарога будзе доўгай, але беларусы павінны ўсведамляць, што на гэтым шляху ў іх шмат сяброў, якія дапамогуць ім не толькі з сімпатыі, але і з перакананняў, што Беларусь і беларусы - вялікі еўрапейскі народ - абавязаны знайсці сябе ў сям'і свабодных еўрапейскіх народаў", - паведаміў Анышкевіч.

Зараз ён у Варшаве на плошчы Канстытуцыі, дзе бярэ ўдзел у Еўрапейскім маршы, зарганізаваным звязам "За Свабодную Беларусь" і студэнтамі-каліноўцам.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international