8 лістапада ў Мінску на плошчы Незалежнасьці былі затрыманыя Сяргей Пезкін і Ігар Закрэўскі

8 лістапада Сяргей Пезкін і Ігар Закрэўскі правялі акцыю супраць дыскрымінацыйнага закона "Аб свабодзе веравызнаньняў і рэлігійных арганізацыях", прынятага ў другім чытаньні Палатай прадстаўнікоў.
Акцыю Сяргей Пезкін і Ігар Закрэўскі пачалі ў 12.00 на плошчы Якуба Коласа і скончылі на плошчы Незалежнасьці. Удзельнікі акцыі прайшлі па прасьпекце Скарыны апранутыя ў сьпецыяльна падрыхтаваныя робы-плакаты, на якіх было напісана: "Новы закон аб релігіях - гэта вяртаньне да сярэдневячча і цемрашальства», "Ганьба Нацыянальнаму сходу за закон аб рэлігіях".