Юры Істомін дамагаецца справядлівасці
Сёньня, пасля пяці сутак адміністрацыйнага арышту, выйшаў на волю Юры Істомін, старшыня Гродзенскай абласной арганізацыі партыі АГП. Ён быў асуджаны суддзёй суда Кастрычніцкага раёну г. Гродна Зінаідай Барцэвіч за распаўсюд сярод жыхароў гораду інфармацыйных матэрыялаў.
Насамрэч, рэгіянальны лідар АГП Юры Істомін абвінавачваўся за нібыта “нецэнзурную лаянку”. Юры Істомін мае намер падаць у пракуратуру адпаведную скаргу на дзеяньні супрацоўнікаў міліцыі.
















