Падчас акцыі пратэсту ў цэнтры Менску пацярпелі як найменей трое журналістаў (Радыё Свабода)

2004 2004-10-19T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Пра гэта паведаміла Радыё Свабода. На рагу праспэкту Скарыны й вуліцы Энгельса АМОН, апрача ўдзельнікаў дэманстрацыі, затрымаў і кінуў у аўтобус фотакарэспандэнта “Associated Press” Сяргея Грыца. Пасьля таго, як у рэстаран “Патыё піцца” зацягнулі лідэра АГП Анатоля Лябедзьку, там жа кінулі на падлогу й зьбілі апэратара НТВ Канстанціна Марозава, пасьля чаго выкінулі на вуліцу. На ягоным ілбе была кроў, дарагая тэлекамэра разьбітая.

Карэспандэнт Радыё Свабода Юры Сьвірко запісаў інтэрвію са спадаром Марозавым і ўбачыў, што за ім стаіць супрацоўнік службы бясьпекі Аляксандра Лукашэнкі.

Пасьля таго, як карэспандэнт задаў толькі адно пытаньне Лукашэнкаваму ахоўніку з просьбай пракамэнтаваць сытуацыю, той ударыў Юрыя Сьвірко ў жывот. Людзі навокал паспрабавалі стрымаць ахоўніка, але той нанёс удар адной зь дзяўчын, якая была побач, пасьля чаго зьбег у бок прэзыдэнцкай рэзыдэнцыі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international