Капыльскіх школьнікаў не пускаюць на маршы апазыцыі

2007 2007-09-26T12:43:19+0300 1970-01-01T03:00:00+0300 be

У школах правялі адмысловыя сходы, на якіх настаўнікам загадалі прадухіліць знаходжаньне іх вучняў на «несанкцыянаваных» акцыях апазыцыі 14 кастрычніка і 4 лістапада.

Гэтую навіну паведамілі бацькі капыльскіх школьнікаў. Прыйшоўшы са школы, дзеці пыталіся ў іх, што такое павінна здарыцца ў Менску 14 кастрычніка і 4 лістапада, бо ім загадалі ў гэтыя дні знаходзіцца ў дома. У школах правялі сходы, на якіх кіраўніцтва загадала настаўнікам пракантраляваць месцазнаходжаньне іх вучняў у гэтыя дні. Катэгарычна забаранілі ўдзел кагосьці са школьнікаў у «несанкцыянаваных» уладамі акцыях апазыцыі. Цікава, што менскія ўлады дагэтуль не прынялі рашэньня наконт правядзеньня ў сталіцы маршаў апазыцыі, а дырэкцыя капыльскіх школаў ужо палічыла іх недазволенымі. Настаўнікаў папярэдзілі аб пэрсанальнай адказнасьці за сваіх вучняў. Кажуць, што такія папярэджаньні ў гэтым раёне рабілі вясной перад Днём волі.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international