Светлагорскіх дэмакратаў цягаюць у КДБ

2007 2007-09-26T11:42:50+0300 1970-01-01T03:00:00+0300 be

У Светлагорску 25 верасня па крымінальнай справе “Маладога фронту” быў дапытаны ў якасці сведкі мясцовы жыхар Тэльман Маслюкоў. Допыт праводзіўся ў міжраённым аддзяленні Камітэта дзяржаўнай бяспекі. Падчас допыту Т. Маслюкоў не пагадзіўся з фармулёўкай “незаконная друкаваная прадукцыя”, якую супрацоўнікі КДБ спрабавалі ўключыць у паказанні ў дачыненні да выданняў, якія былі выняты у жыхара Светлагорска Арсеня Ягорчанкі.

Крымінальная справа “Маладога фронту” заведзена Упраўленнем КДБ па Гомельскай вобласці пад № 07064320087. 16 верасня міліцыя правяла агляд кватэры 17-гадовага жыхара Светлагорска Арсеня Ягорчанкі, які сёлета пасля заканчэння мясцовай школы № 10 паступіў у Вільні ў Еўрапейскі гуманітарны ўніверсітэт (ЕГУ). Пры аглядзе міліцыянты вынялі партатыўны камп’ютэр, сістэмны блок настольнага камп’ютэра і розныя друкаваныя выданні. Некалькі месяцаў таму А. Ягорчанка дапытваўся ў гэтым жа аддзяленні КДБ як сведка па справе “Маладога фронту”.

Перад пачаткам допыту супрацоўнікі КДБ паведамілі Т. Маслюкову аб тым, што пасля агляду кватэры А. Ягорчанка з’ехаў у Літву і не з’явіўся даваць паказанні. На пастаўленыя пытанні Т. Маслюкоў, які навучаецца ў магістратуры ЕГУ, адказаў, што з Арсенем знаёмы, але аб тым, ці належыць хлопец да “Маладога фронту”, як і аб незарэгістраванай арганізацыі “Малады фронт”, яму нічога не вядома.

Допыт правёў дазнавацель Аляксей Аляксандравіч Шагінаў у прысутнасці начальніка аддзялення Аляксандра Юліанавіча Пралеткоўскага. Позву А. Шагінаў уручыў Т. Маслюкову ў папярэдні дзень. Дазнавацель ужо імкнуўся ўручыць позву двума днямі раней, але тады Т. Маслюкоў не пагадзіўся яе атрымліваць, паколькі гэта было пасля 22 гадзінаў увечары.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international