Старшыня Канстытуцыйнага суду: Адказнасьць за непавагу да беларускай мовы ніхто не адмяняў

2007 2007-09-20T10:49:53+0300 1970-01-01T03:00:00+0300 be

"Адказнасць за непавагу да дзяржаўнай мовы ніхто не адмяняў", — заявіў старшыня Канстытуцыйнага суда (КС) Беларусі Рыгор Васілевіч 18 верасня ў Мінску падчас семінара "Садзеянне больш шырокаму прымяненню міжнародных стандартаў у галіне правоў чалавека ў працэсе выканання правасуддзя ў Рэспубліцы Беларусь".

"Да нас неаднаразова паступаюць скаргі на тое, што заяву ў суд не прымаюць, таму што яна напісана па-беларуску. Я сам бачыў такую рэзалюцыю: "Перапішыце заяву на нармальнай мове". У Канстытуцыі запісана, што ў Беларусі дзве дзяржаўныя мовы — руская і беларуская, таму такая рэзалюцыя з'яўляецца непавагай да дзяржаўнай мовы", — падкрэсліў Р.Васілевіч.

Як прыклад непаважлівага стаўлення кіраўнік КС Р.Васілевіч прыгадаў сітуацыю з жыхаром Гомеля Сяргеем Сямёнавым. У жніўні малады чалавек перасякаў беларуска-ўкраінскую мяжу на цягніку. У пункце пропуску "Новая Гута" мытнікі запатрабавалі ад яго запоўніць дэкларацыю. Сямёнаў запатрабаваў дэкларацыю на беларускай мове, бо ён дрэнна валодае рускай і баіцца, што пры запаўненні мытнага дакумента можа дапусціць памылкі. У адказ на гэта супрацоўнікі мытні склалі ў дачыненні да Сямёнава пратакол аб адміністрацыйным правапарушэнні — аб непадпарадкаванні патрабаванням службовай асобы.

"Такія выпадкі недапушчальныя, — падкрэсліў Р.Васілевіч. — Але, на жаль, яны не рэдкія. Да нас нават звярнуўся абітурыент, у якога пытанні да цэнтралізаванага тэставання па беларускай мове былі напісаныя па-руску. Ці можа ён правільна на іх адказаць? У такіх выпадках, хаця гэта і не кампетэнцыя Канстытуцыйнага суда, мы накіроўваем лісты ў адпаведныя органы, якія павінны выправіць сітуацыю. Як правіла, сітуацыя выпраўляецца".

Старшыня Канстытуцыйнага суда таксама зазначыў, што ў Канстытуцыі Беларусі замацавана недапушчальнасць дыскрымінацыі грамадзян па рэлігійных, палавых, расавых і моўных прынцыпах. "З усім, апрача мовы, у нас добра, скаргаў не паступае", — заявіў Р.Васілевіч.

Ён заклікаў суддзяў карыстацца беларускай мовай па запатрабаванні ўдзельнікаў працэсу і зазначыў, што ўсе рашэнні Канстытуцыйнага суда адразу ж перакладаюцца або на рускую, або на беларускую мову — у залежнасці ад таго, на якой мове вёўся разгляд скаргі або заявы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international