Сёньня - Дзень абвяшчэньня беларускіх нацыянальных сымбаляў

2007 2007-09-19T09:30:09+0300 1970-01-01T03:00:00+0300 be http://spring96.org/files/images/sources/gerbby91_2.gif Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

16 гадоў таму, 19 верасьня, бел-чырвона-белы сьцяг і герб "Пагоня" былі афіцыйна абвяшчаны дзяржаўнымі сымбалямі Беларусі. Затым прэзідэнгт Лукашэнка правёў свой рэфэрэндум 1995 году, і нацыянальная сымболіка апынулася пад забаронай. Сёньня сітуацыя настолькі абсурдная, што за яе выкарыстаньне прадугледжана нават адміністрацыйная адказнасьць.


Між тым, першыя згадкі бел-чырвона-белага сьцягу адносяцца да позьняга Сярэднявечча, а першым дакумэнтальным сьведчаньнем лічыцца карціна XVI стагодзьдзя прысьвечаная Бітве пад Воршай. Вялікалітоўская кавалерыя карысталася сьцягам Сьвятога Юры (чырвоны крыж на белым палатне), які, хутчэй за ўсё, стаўся прататыпам бел-чырвона-белага сьцягу. У ХХ стагоддзі бел-чырвона-белы сьцяг нарэшце становіцца нацыянальным. Цікава ведаць, што значыкі ў форме бел-чырвона-белага сьцяга можна было набыць у Менску яшчэ ў напачатку дваццатага стагоддзя, а ў 1918 годзе бел-чырвона-белы сьцяг на нейкі час робіцца сьцягам Беларускай Народнай Рэспублікі.

“Пагоня на Беларусі пачала выкарыстоўвацца ў якасьці гербу пячатках вялікага князя Ягайлы ў 1386 і 1387 гг., а таксама на пячатцы Вітаўта ў 1401 г. Напачатку 15 стагодзьдзя "Пагоня" сталася дзяржаўным сымбалям Вялікага Княства Літоўскага. "Пагоня" была дзяржаўным гербам Вялікага Княства Літоўскага і элемэнтам гербу Рэчы Паспалітае да 1795 г., калі тэрыторыя Беларусі была акупаваная Расейскаю імпэрыяй. Ёю карысталіся паўстанцы Т. Касьцюшкі і К. Каліноўскага.


Перад распадам Савецкага Зьвязу "Пагоня" разам зь бел-чывона белым сьцягам сталіся сымбалямі нацыянальнага адраджэньня Беларусі. "Пагоня" была прынятая як сымбаль Беларускага Народнага Фронту.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international