Сёньня працяг суду над Андрэям Цянютам

2007 2007-09-18T11:16:12+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

17 верасьня ў судзе Цэнтральнага раёну Гомелю пачаўся разгляд адміністратыўнай справы супраць моладзевага актывіста Андрэя Цянюты, затрыманага 14 верасьня ў будынку мясцовага ўніверсітэту. Хлопец прыйшоў туды, каб распаўсюдзіць інфармацыю ў падтрымку свайго сябра, выключанага за грамадзка-палітычную дзейнасьць студэнта ГДУ Зьмітра Жалезьнічэнкі, аднак быў затрыманы прарэктарам па выхаваўчай працы Ханеням.

Напачатку прарэктар адвёў Андрэя Цянюту ў кабінет, затым выклікаў міліцыянтаў, якія склалі на моладзевага актывіста два адміністратыўныя пратаколы - за распаўсюд незарэгістраванай друкаванай прадукцыі і за ўжываньне ненарматыўнай лексікі. Да суду трое сутак Андрэй Цянюта правёў у ізалятары часовага ўтрыманьня.

Судзьдзя Цэнтральнага раёну Гомелю Марыя Дамненка, якая разглядала ўзбуджаныя адміністратыўныя справы, не змагла разабрацца ў блытаных сьведчаньнях міліцыянтаў, таму перанесла судовае паседжаньне на сёньня. Андрэй Цянюта быў адпушчаны дахаты.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international