У Гродне мiлiцыя не дае магчымасцi праводзiць “экзыт-пул”.

2004 2004-10-16T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Гродзенская мiлiцыя распачала паляванне на валанцёраў Незалежнага iнстытуту сацыяльна-палiтычных даследаванняў, якiя праводзяць апытанне ля выбарчых участкаў – гэтак званае “экзыт-пул”. Адзiн чалавек затрыманы i на дадзены момант знаходзiцца ў Ленiнскiм РАУС-е, у кватэры астатнiх наведалася мiлiцыя з патрабаваннем выдаць мабiльныя тэлефоны.
Фармальнай падставай для пераследу валанцёраў, сталася ананiмная iнфармацыя, што мабiльныя тэлефоны якiмi яны карыстаюцца, крадзеныя.
15 кастрычніка зранку супацоўнікамі Ленiнскага РУУС быў затрыманы адзiн з удзельнiкаў апытання: Аляксей Салей. Спачатку ён каля трох гадзiнаў быў пратрыманы ў Ленiнскiм РУУС. Мiлiцыя хавала факт затрымання. Так, дзяжурны Ленiнскага РАУС не падцвердзiў карэспандэнту Пагонi, што Аляксей Салей знаходзiцца ў iх.
Мiж тым менавiта ў гэты час разам са следчымi затрыманы ездзiў па адрасах людзей, якiя таксама мелi займацца апытаннем.
Карэспандэнту ПАГОНI ўдалося даведацца адрас, дзе мiлiцыя праводзiла ператрус. Патэлефанаваўшы туды, ПАГОНI ўдалося паразмаўляць з Салеем.
-Да мяне прыйшлi два мiлiцыянты. Яны заявiлi, што я гандлюю мабiльнымi тэлефонамi. Потым загадалi прайсцi разам з iмi ў Ленiнскi РУУС. Я ўвесь час вымушаны знаходзiцца разам з iмi. Мне не дазваляюць нi патэлефанаваць, нi адысцi, хоць я гэтага ўвесь час патрабую, - заявiў Аляксей Салей.
Мiлiцыянты сцвярджаюць, што ў iх ёсць падазрэннi на тое, што мабiльные тэлефоны, якiмi карыстаюцца валанцёры НIСПД, скрадзеныя.
Толькі позна ўвечары быў вызвалены Аляксей Салей, адзiн з каардынатараў правядзення ў Гродне “экзыт-пул”, сацыялагiчнага аптыння ля выбарчых участкаў людзей якiя ўжо прагаласавалi.
Супрацоўнiкi спецслужбаў, якiя прадставiлiся афiцэрамi мiлiцыi з менскага аддзела па барацьбе з арганiзаванай злачыннасцю, цiкавiлiся мабiльнымi тэлефонамi, якiя выкарыстоўваюцца валанцёрамi, якiя праводзяць апытанне. Не гледзячы на просьбы затрыманага гэтыя людзi так i не прадставiлiся.
- Iх цiкавiлi нумары нашых мабiльных тэлефонаў, выкарыстоўваючы якiя мы перадаем звесткi. У канцы канцоў калi я разам з iмi аб’язджаў людзей, якiя праводзяць апытанне, яны даведалiся нумар аднаго з такiх тэлефонаў, - распавядае Салей.
Пасьля гэтага супрацоўнiкi спецслужбаў спрабавалi завербаваць Аляксея.
- Мне прапанавалi супрацоўнiцвтва, маўляў ты можаш увайсцi туды куды мы не можам. Я адмовiўся, - гаворыць Салей.
На яго думку галоўным вынiкам дзеянняў спецслужбаў сталася тое, што апытанне ўчора было паралiзаванае.
Не гледзячы на спробу запалохвання “экзыт-пул” у Гродне будзе працягнуты.
Андрэй Адлянiцкi
pahonia.promedia.by align=rightb>

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international