Пракурор запрасіў асудзіць Івана Шылу без прызначэньня пакараньня
Іван Шыла каля свайго дому
Судовы разгляд крымінальнай справы, узбуджанай на непаўнагадовага моладзевага актывіста Івана Шылы па арт. 193.1 КК, у Салігорску падыходзіць да завяршэньня. Былі зачытаныя паказаньні сьведкаў, якіх не было на судзе, таксама ў якасьці доказаў былі прадэманстраваныя раздрукоўкі тэлефонных праслухоўваньняў, інтэрвію з сайтаў, выразкі з газэт, аўдыёкасэты, кампакт-дыскі, павязкі, значкі «Малады Фронт», канфіскаваныя падчас вобыску ў кватэры Шылаў. Былі дапытаныя дадатковыя сьведкі, зачытаная школьная характарыстыка.
Пракурор запатрабаваў асудзіць Івана Шылу без прызначэньня пакараньня, а адвакат папрасіла апраўдаць хлопца. Прысуд будзе абвешчаны ў ў 17:45.
Тым часам удакладнены сьпіс затрыманых у Салігорску: Алесь Каліта, Франак Вячорка, Зьміцер Хведарук, Зьміцер Ясевіч, Віктар Дзенісевіч. Іх абвінавачваюць у адміністратыўным правапарушэньні, прадугледжаным ч.1 арт.23.34 КаАП, суд над імі адбудзецца заўтра. Затрыманым нарэшце дазволілі перадаць харчовую перадачу.
