Ліквідаваная Беларуская экалягічная партыя зялёных (БЭЗ)

2007 2007-08-29T14:44:02+0300 1970-01-01T03:00:00+0300 be

Сёньня Вярхоўны суд Беларусі ліквідаваў Беларускую экалягічную партыю зялёных (БЭЗ). Задаволены пазоў Міністэрства юстыцыі. Паводле яго, БЭЗ “не змагла ўпарадкаваць сваю дзейнасьць у адпаведнасьці са зьменамі і дапаўненьнямі ў закон “Аб палітычных партыях”, якія набылі сілу ў ліпені 2005 году”.

У час паседжаньня Вярхоўнага суду была агучана заява старшыні БЭЗ Мікалая Карташа, у якім ён не пярэчыў супраць пазову Мінюста і прасіў праводзіць яго разгляд у адсутнасьць прадстаўнікоў партыі.

Намесьнік старшыні Беларускай экалягічнай партыі зялёных Яўген Церахаў заявіў сёньня раней Радыё Свабода, што ніхто з кіраўніцтва БЭЗ на суд ня зьявіцца.

“Сустаршыня БЭЗ Мікалай Карташ знаходзіцца ў службовай камандзіроўцы ў Вэнэсуэле, другі сустаршыня Міхаіл Фрыдлянд даўно зьехаў у ЗША. Дакумэнты і пячатка БЭЗ – згубленыя. Офіс зачынены. Рэгіянальныя структуры распаліся. Лягчэй стварыць новую экалягічную партыю, чым аднавіць ранейшую. Цалкам вінаватыя ў яе разбурэньні былыя кіраўнікі БЭЗ”, – паведаміў Яўген Церахаў.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international