Чарнобыльскі ліквідатар Васіль Сіліверст абвясьціў галадоўку

2007 2007-08-24T11:04:24+0300 1970-01-01T03:00:00+0300 be

Чарнобыльскі ліквідатар з Калінкавічаў Васіль Сіліверст, які знаходзіцца цяпер у Рэспубліканскім цэнтры радыяцыйнай медыцыны й экалёгіі чалавека ў Гомелі, абвясьціў, што адмаўляецца надалей прымаць ежу.

Гэта было зроблена ў 17 гадзін 17 хвілін на паседжаньні навукова-медычнай рады цэнтру пасьля таго, як спадару Сіліверсту ў чарговы раз аб’явілі, што ня могуць зьвязаць ягоныя захворваньні ды інваліднасьць з удзелам у ліквідацыі наступстваў чарнобыльскай катастрофы.

Ад старшага лейтэнанта запасу Сіліверста ў чарговы раз запатрабавалі дадатковыя дакумэнты з вайсковай часьці, якая разьмяшчалася ва Ўкраіне за 14 кілямэтраў ад ЧАЭС, куды ў 1988 годзе прызвалі з запасу Васіля Сіліверста, як і многіх іншых беларусаў, дзеля дэзактывацыі тэрыторыі й вайсковай амуніцыі.

“Патрабаваньне дадатковых дакумэнтаў – гэта звычайная валакіта. Летась, калі я праходзіў рэабілітацыю ў цэнтры, я прывёз сюды ўсе наяўныя дакумэнты пра шасьцімесячную службу й працу ў чарнобыльскай зоне. Я не разумею, што важней – жывы чалавек зь ягонымі хваробамі ці нейкая дадатковая даведка з вайсковай часткі, якой даўно няма”, – сказаў чарнобыльскі ліквідатар.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international