У псіхдыспансэры Грышчэню пераконвалі ў марнасьці яго дзейнасьці

2007 2007-07-11T16:29:03+0300 1970-01-01T03:00:00+0300 be

Сёньня баранавіцкі моладзевы актывіст Яраслаў Грышчэня праходзіў псыханэўралягічную экспэртызу ў мясцовым дыспансэры.

Яраслава прывялі ў асобны пакой, дзе знаходзіліся два псіхіятары (прынамсі, так яны адрэкамэндаваліся), а таксама сьледчая Юлія Аскальдовіч, адваката не пусьцілі.

Хлопца пасадзілі на крэсла пасярод кабінэту і пачалі задаваць розныя пытаньні, што тычаць ягонай біяграфіі, бацькоў, апазыцыйнай дзейнасьці. Пыталіся, ці ня лічыць ён сваю дзейнасьць бессэнсоўнай, а таксама, чаго дабіўся ў сваім жыцьці і кім ён ёсьць цяпер. Пасьля хлопца пачалі пераконваць, што ўся ягонае дзейнасьць — гэта глупства.

Яраслаў кажа, што экспэртыза для яго скончылася станоўча, дактары прызналі, што ён псіхічна здаровы.

Нагадаем, што ў дачыненьні да Яраслава Грышчэні заведзена крымінальная справа па артыкуле 193 КК «Дзейнасьць ад імя незарэгістраванай арганізацыі». У гэты панядзелак сьледчая Аскальдовіч падоўжыла расьсьледаваньне справы яшчэ на два месяцы.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international