Наваполацак: акцыя пратэсту ў Дзень Незалежнасьці

2007 2007-07-04T09:15:33+0300 1970-01-01T03:00:00+0300 be

У Наваполацку ўчора адбыўся чарговы пікет пратэсту супраць ліквідацыі льготаў сацыяльна неабароненым катэгорыям грамадзянаў. Такія акцыі ладзяцца ў гэтым горадзе штодня ад 27 чэрвеня.

Як і мінулымі днямі, удзельнікі пікету зьбіралі подпісы пад патрабаваньнем захаваць ільготы пэнсіянэрам, донарам і чарнобыльцам, а таксама пад адозваю з патрабаваньнем адклікаць з Палаты прадстаўнікоў дэпутата ад Наваполацку, які прагаласаваў за скасаваньне льготаў. Паводле аднаго з арганізатараў акцыі Валера Шаўчэнкі, на сёньняшні дзень пад згаданымі адозвамі падпісаліся ўжо некалькі сотняў навапалачанаў.

На пікеце распаўсюджваўся таксама адмысловы бюлетэнь, прысьвечаны гаротнаму стану многіх наваполацкіх пэнсіянэраў і лісток з рэквізытамі дзяржаўных чыноўнікаў, на адрас якіх можна выслаць пратэст супраць ліквідацыі льготаў.

Месячнік грамадзянскага пратэсту дазволены мясцовымі ўладамі і працягнецца да 27 ліпеня.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international