Пракурор запатрабаваў для Валерыя Леванеўскага і Аляксандра Васільева тры гады калоніі.

Пра гэта паведаміў прэс-цэнтр “Хартыі-97”. Прадстаўнік абвінавачаньня Эдуард Панасюк запатрабаваў асудзіць старшыню Агульнанацыянальнага страйкаму прадпрымальнікаў Валерыя Леванеўскага да трох гадоў пазбаўленьня волі ў калоніі агульнага рэжыму за абразу гонару і годнасьці прэзідэнта Рэспублікі Беларусь. Намесьніка старшыні страйкаму прадпрымальнікаў Аляксандра Васільева – да трох гадоў пазбаўленьня волі ў калоніі агульнага рэжыму і двух гадоў за арганізацыю несанкцыянаванага шэсьця і мітынгу ў Гродна 1 траўня. З-за паглынаньня меншага тэрміну большым, пракурор запатрабаваў асудзіць А.Васільева -- да трох гадоў калоніі.