Суд Ленінскага раёну г.Гродна працягнуў да 13 верасьня тэрмін знаходжаньня пад вартай лідэра страйкама прадпрымальнікаў Валерыя Леванеўскага.

Суд працягнуў тэріна зьняволеньня па невядомых пакуль прычынах, пра гэта паведаміў сайт грамадзянскай ініцыятывы “Хартыя-97”.
18 траўня Валеры Леванеўскі быў разьмешчаны ў СІЗА г. Гародня на два месяцы, яму было прад’яўленае абвінавачаньне па арт. 368 ч.2 КК РБ – публічная з’нявага прэзідэнта Рэспублікі Беларусь. Дадзены артыкул прадугледжвае пакараньне ў выглядзе штрафа альбо папраўчых прац на тэрмін да 2 гадоў альбо абмежаваньне волі на тэрмін да 3 гадоў альбо пазбаўленьне волі на той жа тэрмін. Па меркаваньню сьледства, абраза прэзідэнта ўтрымліваецца ва ўлётках, якія распаўсюджваліся ў Гродна напярэдадні акцыі пратэсту прадпрымальнікаў 1 траўня. Падчас акцыі пртэсту В. Леванеўскі быў арыштаваны.

Леванеўскі павінен быў выйсьці на волю пасьля адбываньня адміністратыўнага арышту, які ён адбываў з 1 траўня за распаўсюд улётак з заклікам удзельнічаць у акцыі пратэсту прадпрымальнікаў, але 14 траўня тэрмін утрыманьня пад вартай быў ак “дзеля высьвятленьня абставінаў” і прадпрымальніка перавялі са сьпецпрыёмніка-разьмеркавальніка ў СІЗА. З таго часу тэрмін знаходжаньня лідэра прадпрымальніка пад вартай працягваецца ўжо другі раз.