У актывіста АГП канфіскавалі газету "Время"

13.08.2004.

Радыё Свабода
12 жніўня на пасту дзяржаўтаінспэкцыі ў Жлобіне а 19 гадзіне вечара затрыманы прыватны легкавік намесьніка старшыні Гомельскай абласной арганізацыі Аб`яднанай грамадзянскай партыі Ўладзімера Кацоры.
Спадар Кацора ехаў зь Менску ў Гомель.
Інспэктары ДАІ заявілі, што легкавік скрадзены й загадалі спадару Кацору ехаць у райаддзел міліцыі.
У райаддзеле міліцыянты ўчынілі ператрус у аўтамабілі Кацоры, здымаючы ўвесь працэс на відэакамэру. Пасьля ператрусу міліцыянты сканфіскавалі некалькі тысячаў асобнікаў незалежнай газэты "Время" і ўлёткі "Пяць крокаў да лепшага жыцьця".
Як паведаміў спадар Кацора, перад затрыманьнем яго кілямэтраў дзесяць суправаджала аўтамашына ДАІ.

Дадаць камэнтар

Камэнтары