Брэсцкі абласны суд адмяніў папярэджаньне, вынесенае судом Маларыцкага раёну дэпутату мясцовага райсавету, юрысту Праваабарончага цэнтру “Вясна”, сябру Партыі БНФ Уладзіміру Малею.

2004 2004-08-11T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Папярэджаньне было вынесенае Ўладзімеру Малею за правядзеньне 25 красавіка ў вёсцы Струга сустрэчы з выбаршчыкам, якая тычылася будаўніцтва могільніку радыяактыўных адкідаў. Сустрэча дэпутата Маларыцкага райсавету Ўладзімера Малея з выбаршчыкамі была ўспрынятая мясцовымі супрацоўнікамі міліцыі, а пазьней і судом, як несанкцыянаваны сход, за што дэпутат мусіць несьці адміністрацыйную адказнасьць. Насуперак нормам заканадаўства справа разглядалася ў адсутнасьці спадара Малея, які паведаміў, што ня зможа ў вызначаны час прысутнічаць у судзе.

Нязгодны з судовым рашэньнем Уладзімір Малей напісаў скаргу на імя старшыні Брэсцкага абласнога суда.

У выніку пастанова суда Мларыцкага раёну была адмененая ў сувязі з тым, што “згодна ч.2 арт.247 КаАП РБ пры разглядзе справаў аб адміністратыўным правапарушэньні, прадугледжаным арт. 167-1 КаАП, прысутнасьць асобы, якая прыцягваецца да адміністратыўнай адказнасьці, абавязковая”.

Адміністратыўная справа Уладзіміра Малея накіраваная на новы разгляд – “у той жа суд іншаму суддзі”, “пры новым разглядзе трэба прыняць рашэньне ў адпаведансьці з законам” (так сказана ў пастанове)” .

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international