Трое актывістаў з Салігорска былі затрыманыя на Кастрычніцкім пляцы ў Менску

2004 2004-08-04T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Радыё Свабода
3 жніўня трое актывістаў Салігорскай арганізацыі Аб’яднанай Грамадзянскай партыі зладзілі пікет супраць трэцяга тэрміну прэзыдэнцтва Аляксандра Лукашэнкі ў цэнтры беларускай сталіцы. Усіх пікетоўцаў затрымалі супрацоўнікі АМОНу.

А 6-й вечара на Кастрычніцкім пляцы Менску сябры АГП з Салігорску Аляксей Прыходзька, Тацяна Ларыёнава і Натальля Зубарэвіч разгарнулі расьцяжку: “10 гадоў дыктатуры. Сыдзі, Лукавы!”

Яны пасьпелі раздаць мінакам частку ўлёткаў пад загалоўкам: “Куды пайшлі 10 гадоў нашага жыцьця?”

У тэксьце ўлёткі згадваліся прозьвішчы зьніклых вядомых грамадзкіх дзеячаў, а таксама людзей, супраць якіх вядуцца крымінальныя справы. Супрацоўнік АМОНу па рацыі выклікаў дапамогу, і пікетоўцы былі затрыманыя.

У міліцыі Цэнтральнага раёну паведамілі, што ўсіх затрыманых адвязуць у спэцпрыёмнік-разьмеркавальнік на вуліцу Акрэсьціна, а назаўтра даставяць у суд Цэнтральнага раёну.

Іх абвінавачваюць у парушэньнях пад час правядзеньня вулічных масавых мерапрыемстваў. Паводле гэтага артыкулу Аляксею Прыходзьку, Тацяне Ларыёнавай і Натальлі Зубарэвіч пагражае арышт альбо штраф.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international