Апісалі маёмасць "Народнай волі"
04.08.2004.
2-га жніўня судовыя выканаўцы Ленінскага раённага суда Мінска апісалі маёмасць рэдакцыі газеты "Народная воля" - агулам на суму 59 мільёнаў рублёў. Гэта было здзейснена дзеля выканання двух судовых рашэнняў аб кампенсацыі маральных стратаў: па зыску прадпрымальніка Сяргея Атрошчанкі з газеты патрабуюць 15 мільёнаў рублёў, а па зыску былога кіраўніка БТ Ягора Рыбакова - 50 мільёнаў рублёў.Рэдакцыя "Народнай волі" працягвае працу ў звычайным рэжыме, хаця і на апісанай аргтэхніцы. Газеце далі 10 дзён на тое, каб выплаціць С. Атрошчанку суму кампенсацыі. У адваротным выпадку частку апісанай маёмасці на суму 15 млн. могуць забраць і рэалізаваць. Тэрміны выплаты кампенсацыі на карысць Ягора Рыбакова судовыя выканаўцы пакуль не вызначылі, паколькі той знаходзіцца пад следствам. (БАЖ)
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
