Затрыманьні ў Магілёве 27 ліпеня

28.07.2004.

Як паведаміла прэс-служба Партыі БНФ, 27 ліпеня ў Магілёве актывісты палітычных партыяў раздавалі друкаваныя віншаваньні з Днём незалежнасьці і інфармацыйныя матэрыялы Народнай кааліцыі «Пяцёрка Плюс». Віталь Макаранка, кіраўнік Магілёўскай гарадзкой арганізацыі Партыі БНФ, яго намесьнік Зьміцер Салаўёў і сябра Сойму Юры Голубеў вялі тлумачальныя размовы з жыхарамі Магілёву. У акцыі таксама бралі ўдзел сябры АГП і ПКБ.

Каля 18.30 супрацоўнікі міліцыі затрымалі фронтаўцаў і адвезьлі іх у апорны пункт міліцыі да «высьвятленьня асобы». Для далейшага разьбаральніцтва «парушальнікаў» даставілі ў Ленінскі РАУС, дзе былі складзеныя тлумачальныя і канфіскаваныя друкаваныя матэрыялы. «На шчасьце, большасьць зь іх мы пасьпелі раздаць. У міліцыі засталося толькі некалькі экзэмпляраў»,-- кажа Зьміцер Салаўёў. З. Салаўёва, Ю. Голубева і В. Макаранку пратрымалі ў міліцыі каля 2,5 гадзінаў.

Дадаць камэнтар

Камэнтары