МЗС Расіі выступіў у абарону карпункту РТР у Менску

26.07.2004.

У суботу расійскі МЗС выступіў з заявай з нагоды намеру беларускіх уладаў зачыніць карпункт тэлеканалу “Расія” ў Менску. Па словах афіцыйнага прадстаўніка міністэрства Яляксандра Якавенкі, гэта магло б негатыўна адбіцца на магчымасьці расіянаў атрымліваць інфармацыю з гэтай краіны.
У МЗС лічаць, што асьвятленьне тых ці іншых падзеяў у Беларусі карэспандэнтамі тэлеканалу РТР ня могуць быць падставай дзеля падобных крокаў.
Аб закрыцьці менскага карпункту тэлеканалу “Расія” напярэданьні ўвечары паведаміла БТ са спасылкай на Мінітэрства замежных справаў Беларусі. Рашэньне прынятае ў сувязі з тым, што расійскія журналісты даюць скажоную інфармацыю пра тое, што адбываецца ў Беларусі.
Размова ідзе пра рэпартаж, які прайшоў у прамым эфіры праграмы "Вести" 21 ліпеня. Карэспандэнт Дзьмітрый Пятроў, распавядаючы пра акцыю пратэсту беларускай апазіцыі, прысьвечанай 10-годзьдзю знаходжаньня ва ўладзе Аялксандра Лукашэнкі, паведаміў, што ў мерапрыемстве ўдзельнічаюць некалькі тысячаў чалавек. Беларускія ўлады налічылі меней – толькі 193 чалавекі (Хартыя-97)