Перасьлед удзельнікаў акцыі беларускай дэмакратычнай апазіцыі 21 ліпеня працягваецца.

26.07.2004.

Руслана Харкевіча, затрыманага падчас акцыі 21 ліпеня, і забранага з міліцыі Савецкага раёну хуткай дапамогай, з прычыны рэзкага пагаршэньня здароўя, 27 ліпеня выклікаюць у Савецкі РУУС, дзеля таго, каб перадаць ягоную справу разам з ім у суд. Руслан і зараз пачуваецца ня надта добра, яшчэ працягваюцца болі ў вобласьці сэрца, бо падчас затрыманьня амапаўцы яму моцна сьціснулі грудную клетку і здушылі.
Апроч гэтага, на 28 ліпеня ён выкліканы ў адміністрацыйную камісію Партызанскага раёну, дзе будзе разглядацца ягоная адміністратыўная справа “за антысанітарыю”, якая выражалася ў расклейцы абвестак на акцыю 21 ліпеня. Але ў выпадку зьняволеньня за ўдзел у акцыі, ён ня здолее прысутнічаць на яе разглядзе.
Нагадаем, што за ўдзел у акцыі беларускай дэмакратычнай апазіцыі 21 ліпеня ў зьняволеньні яшчэ знаходзяцца 10 чалавек.

Дадаць камэнтар

Камэнтары