Міжнародная канферэнцыя “РЭЛІГІЯ І ДЭМАКРАТЫЯ” канстатавала, што прыняццё Закона аб свабодзе сумлення і рэлігійных арганізацыях не адпавядае інтарэсам канфесіяў і пагражае масавымі парушэннямі правоў вернікаў.

2002 2002-08-07T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

6 і 7 жніўня ў Раўбічах, што пад Мінскам, адбылася міжнародная канферэнцыя “РЭЛІГІЯ І ДЭМАКРАТЫЯ”, арганізаваная Грамадскім аб’яднаннем “Цэнтр па правах чалавека”.
Асноўнай тэмай абмеркаваньня рэлігійных дзеячоў, адмыслоўцаў-правазнаўцаў і праваабаронцаў, прадстаўнікоў выканаўчай улады і членаў Савета Рэспублікі быў праект закону "Аб свабодзе сумленьня і рэлігійных арганізацыях", які быў прыняты Палатай Прадстаўнікоў і зараз чакае канчатковага прыняцьця ў Савеце Рэспублікі — верхняй палаце Нацыянальнага сходу.
Пераважная большасць дакладчыкаў у сваіх прамовах адзначалі, што закон быў распрацаваны келейна, у стане сакрэтнасці, таму ён і не ўлічвае інтарэсаў шматканфесійнага беларускага народа, стварае небяспеку парушэння правоў вернікаў і рэлігійных арганізацыяў, распальвання рэлігійнай варожасці і ксенафобіі. Асаблівую ўвагу ўдзельнікаў прыцягнула прэамбула да прапанаванага закона, якая падзяляе кафесіі на вызначальныя, традыцыйныя, гістарычна існуючыя і ўсе астатнія. На думку большасці ўдзельнікаў, тымсамым парушаецца прынцып роўнасці веравызнанняў, прынцып аддзялення царквы ад дзяржавы і міжнародныя абавязацельства, прынятыя на сабе Рэспублікай Беларусь.
Прысутны на сустрэчы прадстаўнік Камітэту па справах рэлігіяў і нацыянальнасцяў пры Савеце міністраў А. Калінаў выказаў афіцыйную пазіцыю беларускай адміністрацыі і адказаў на пытанні прысутных. Па ягоных словах, мэтай прыняцця зменаў і дапаўненняў у заканадаўства аб веравызнанні сталася памкненне абмежаваць распаўсюджане ў краіне “дэструктыўных сэктаў” і “таталітарных нэакультаў”. Аднак большасць прысутных засталася незадаволеная тлумачэннямі чыноўніка.
Прысутныя на канферэнцыі выказалі пажаданне стварыць сталадзеючы міжканфесійны орган, які б ад імя розных канфесіяў вёў дыялог з уладай, у тым ліку і па пытанні зменаў у заканадаўства аб веравызнанні.
Выніковым дакументам канферэнцыі сталася рэзалюцыя, якая адлюстроўвае кансалідаваную пазіцыю пераважнай часткі рэлігійных колаў краіны адносна перспектываў дзяржаўна-царкоўнай палітыкі ў краіне.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international