Камітэт па правах чалавека ААН распачаў працэдуру разгляду скаргі па справе ліквідацыі Грамадскага аб’яднаньня “Праваабарончы цэнтр “Вясна”

Камітэт па правах чалавека ААН, згодна з палажэньнямі Міжнапроднага пакта аб грамадзянскіх і палітычных правах, зарэгістраваў скаргу сябраў Грамадскага аб’яднаньня “Праваабарончы цэнтр “Вясна” на рашэньне Вярхоўнага Суда Рэспублікі Беларусь аб ліквідацыі аб’яднаньня. Скарга зарэгістраваная за № 1296/2004.
У межах працэдуры Камітэт па правах чалавека ААН накіраваў запыт да прадстаўнікоў афіцыйных уладаў Рэспублікі Беларусь, у якім запатрабаваў прадставіць каментары і інфармацыю, датычную дадзенай справы. Беларускія ўлады паівнны даць адказ Камітэту на працягу 6 месяцаў.

Варта нагадаць, што Грамадскае аб’яднаньне “Правабарончы цэнтр “Вясна” было ліквідаванае па зыску Міністэрства юстыцыі Рэспублікі Беларусь рашэньнем Вярхоўанага Суда Рэспублікі Беларусь 28 кастрычніка 2003 г.

Інфармацыйны аддзел Праваабарончага цэнтру “Вясна”