У Менску 1 ліпеня быў гвалтоўна затрыманы старшыня грамадзкага аб’яднаньня прадпрымальнікаў “Персьпектыва” Анатоль Шумчанка (Радыё Свабода)

2004 2004-07-02T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Інцыдэнт адбыўся на рынку “Ракаўскі кірмаш”. Кіраўнік “Пэрспэктывы” Анатоль Шумчанка прыехаў сюды для абароны правоў прадпрымальніцы Ліліі Шымановіч. Адміністрацыя рынку пачала перасьлед удзельніцы прадпрымальніцкага страйку 17 чэрвеня, што, нагадаю, адбыўся ў падтрымку дэпутатаў-галадоўнікаў. Прадпрымальніцы было абвешчана пра спыненьне дамовы на арэнду гандлёвай плошчы. Ініцыятыва Шумчанкі вярнуць актывістцы “Пэрспэктывы” працоўнае месца была прыпыненая гвалтам. Распавядае спадарыня Шымановіч: “Раптам выскокваюць людзі, скочуць на яго верхам, можна сказаць. Заломваюць рукі, б’юць нагамі й цягнуць у падвал у ахову. Гэта жудасна. Я, напрыклад, у шоку”.

Як высьветлілася, гвалтоўныя дзеяньні супраць Шумчанкі былі ўчыненыя аховай адміністрацыі рынку. Дырэктар “Ракаўскага кірмашу” Аляксандар Сінькоў лічыць, што вінаваты ў канфлікце сам лідэр “Пэрспэктывы”: “Шумчанка груба сфальсыфікаваў факты. І абвінаваціў адміністрацыю прадпрыемства, якое я ўзначальваю, у многіх фактах. І замест прадпрымальнікаў, зьбіралі подпісы ў гандляроў. Як высьветлілася, зьбіралі проста так, на паперу гэтыя подпісы”.

Каля гадзіны спадара Шумчанку ахова рынку трымала ў падвале. Заклікі мясцовых гандляроў вызваліць яго адміністрацыя рынку праігнаравала. На волю прадпрымальніцкі лідэр быў выпушчаны толькі пасьля зьяўленьня міліцыянта. Вось як пракамэнтаваў інцыдэнт сам спадар Шумчанка: “Калі ахова заломвае рукі па палітычных матывах, тым больш учора быў у яго дэпутат Фралоў, то гэта характарызуе нашу краіну. Таму што гэта надзвычайны выпадак”.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international