Віцебскі абласны выканаўчы камітэт палічыў правамоцнай адмову Наваполацкага гарвыканкама ў рэгістрацыі структураў Свабоднага прафсаюза Беларускага

2004 2004-06-25T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Наваполацка-Полацкая рэгіянальная арганізацыя Свабоднага прафсаюза Беларускага, а таксама ейныя падразьдзяленьні -- пярвічкі на ААТ “Нафтан” і Наваполацкай ЦЭЦ амаль год ня можа зарэгістравацца ў мясцовых органах улады.

Прафаб’яднаньне страціла юрыдычны статус у выніку кампаніі па перарэгістрацыі. Летась прафсаюзьнікі некалькі разоў падавалі ў Наваполацкі гарвыканкам усе неабходныя для рэгістрацыі паперы. Аднак улады адмовіліся надаваць арганізацыі афіцыйны статус, бо, маўляў, ёсьць праблемы з дакумэнтамі.

Віцебскі абласны выканаўчы камітэт палічыў правамоцнай адмову Наваполацкага гарвыканкама ў рэгістрацыі структураў Свабоднага прафсаюза Беларускага. У лісьце, які прыслаў на імя старшыні СПБ Генадзьдзя Быкава начальнік упраўленьня юстыцыі аблвыканкама Віктар Пранік, адзначаецца, што “рашэньне прынятае гарвыканкамам у адпаведнасьці з патрабаваньнямі дзеючага заканадаўства”.

Як мяркуюць юрысты Свабоднага прафсаюза, адказ з аблвыканкама, куды СПБ накіроўваў скаргу як у вышэйстаячую інстанцыю, аказаўся фармальным. Зараз прафаб’яднаньне рыхтуецца змагацца за свае правы ў судзе, -- паведамляе прэс-служба Асамблеі НДА.

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international