Горацкая раённая адміністрацыйная камісія прысудзіла актывісту мясцовага “Клюбу выбарцаў” Дзям’яну Франкоўскаму штраф за распаўсюд улётак Народнай кааліцыі “5+”

2004 2004-06-11T10:00:00+0300 1970-01-01T03:00:00+0300 be Праваабарончы цэнтр «ВЯСНА» Праваабарончы цэнтр «ВЯСНА»
Праваабарончы цэнтр «ВЯСНА»

Падставай для адміністрацыйнага разьбіральніцтва паслужыла скарга старшыні Горацкага саюзу вэтэранаў сп.Маркоўскага. Ён папрасіў міліцыянтаў разабрацца зь дзейнасьцю мясцовай моладзі, якая раздае матэрыялы “Пяцёркі плюс”, і прыклаў некалькі сабраных ім улётак, на якіх не былі пазначаныя выходныя зьвесткі. Акрамя таго сп.Маркоўскі праявіў зайздросную інфармаванасьць, дакладна ўказаўшы каардынатара кампаніі распаўсюду па Горках Дзям’яна Франкоўскага, -- паведамляе прес-служба Асамблеі НДА.

Сябра мясцовага “Клюбу выбарцаў” сп.Франкоўскі пры размове з участковым не адмаўляўся ад улётак, бо палічыў несумленным хаваць свае перакананьні. Гэтаксама ён павёў сябе і на адміністрацыйнай камісіі, сябры якой доўга не маглі вырашыць, за што даваць штраф актывісту.

Як распавядае Дзям’ян Франкоўскі, сябры камісіі, перачытаўшы ўлёткі Народнай кааліцыі, спрабавалі абвінаваціць яго “хто ў чым”: “У некага нават была думка, што ўлёткі зьмяшчаюць “антыканстытуцыйныя дзеяньні”, бо выказваюцца нэгатыўна пра кантрактную сыстэму. На думку аднаго з прысутных, падобнае стаўленьне “падрывае дзяржаўную сыстэму”, – расказвае сп.Франкоўскі.

У выніку камісія пастанавіла спагнаць з абвінавачанага штраф у памеры адной базавай велічыні (19 000) паводле часткі 3 артыкула 172 КоаП РБ (парушэньне парадку распаўсюду друкаванай прадукцыі).

Апошнія навіны

слухаць Радыё рацыя Міжнародная федэрацыя правоў чалавека Беларуская Інтэрнэт-Бібліятэка КАМУНІКАТ Грамадзкі вэб-архіў ВЫТОКІ Антидискриминационный центр АДЦ 'Мемориал' Prava-BY.info Беларускі Праўны Партал Межрегиональная правозащитная группа - Воронеж/Черноземье
Московская Хельсинкская группа
Молодежное Правозащитное Движение
amnesty international